ອິງຕາມ: ຂໍ້ຕົກລົງຂອງທ່ານລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການຈັດຕັ້ງ ແລະ ເຄື່ອນໄຫວຂອງວິທະຍາໄລຄູ ສະບັບເລກທີ 814/ສສ.ຈຕ, ລົງວັນທີ 09/04/2010.

ອິງຕາມ: ກົດລະບຽບຂອງວິທະຍາໄລຄູບ້ານເກິນວາງອອກຕໍ່ນັກສຶກສາຄູສະບັບເລກທີ 440 ລົງວັນທີ    12 / 11/ 2002 ເພື່ອຮັກສາຄວາມເປັນລະບຽບຮຽບຮ້ອຍຂອງນັກສຶກສາ ວິທະຍາໄລຄູບ້ານເກິນໃນທຸກລະບົບສາຍຮຽນ ລວມທັງນັກສຶກສາທີ່ນອນນອກ ແລະ ນັກສຶກສານອນໃນໃຫ້ມີຄວາມຈົບງາມນັ້ນ ຜູ້ອໍານວຍການວິທະຍາໄລຄູບ້ານເກິນ ຈຶ່ງໄດ້ອອກກົດລະບຽບຫໍພັກສະບັບເພີ່ມເຕີມດັ່ງນີ້:

ພາກທີ  I

ວ່າດ້ວຍຄວາມເປັນລະບຽບຫໍພັກ-ຫ້ອງນອນ

ມາດຕາ 1: ການຄຸ້ມຄອງຫໍພັກ ແລະ ຊັບສິນສ່ວນລວມ

1:  ຫໍພັກໜຶ່ງຫລັງປະກອບມີ: ຄູອາຈານ ແລະ ຄະນະນັກສຶກສາປະຈຳຫໍພັກ-ຫ້ອງນອນເປັນຜູ້ຮັບຜິດ ຊອບຕະຫລອດ 24 ຊົ່ວໂມງ.

2:  ນັກສຶກສາທີ່ນອນໃນຫໍພັກຕ້ອງຈັດຕັ້ງນອນເປັນຫ້ອງ ໂດຍອີງໃສ່ຄວາມສາມາດຂອງຫ້ອງ ແລະ ສະ

ພາບຕົວຈິງຂອງການຈັດແບ່ງ.

3:  ແຕ່ລະຫ້ອງນອນຕ້ອງໄດ້ສຳຫລວດກວດກາ ແລະ ສ່ອງແສງໃຫ້ຫ້ອງການກິດຈະການນັກສຶກສາ 2 ຄັ້ງຕໍ່ເດືອນ.

4:  ນັກສຶກສາທີ່ນອນໃນຫໍພັກຕ້ອງປະຕິບັດໂມງເວລາ 20:30 ໂມງຕ້ອງເຂົ້າຫໍພັກ 22:00ໂມງນັກສຶກສາແຕ່ລະຫ້ອງຕ້ອງນອນ ແລະ ຕຶ່ນນອນເວລາ 5 ໂມງ 30 ນາທີ.

5:  ການຮັກສາຄວາມສະອາດຂອງນັກສຶກສາທຸກຄົນເຊັ່ນ: ອານາໄມຫ້ອງນອນ, ຫ້ອງນ້ຳ ແລະ ບໍລິເວນເຂດຫໍພັກທີ່ໄດ້ຮັບຜິດຊອບໃນທຸກໆວັນ. ການເຂົ້າຫ້ອງນ້ຳນັກສຶກສາຄູທຸກຄັ້ງຕ້ອງໃຊ້ເຈ້ຍອານາໄມ ຫຼື ໃຊ້ນ້ຳລ້າງ.

6: ການໃຊ້ໄຟ, ໃຊ້ນໍ້າ ນັກສຶກສາທຸກຄົນທີ່ໃຊ້ ຕ້ອງຮູ້ເປີດ, ຮູ້ປິດ.

ມາດຕາ 2:  ຂໍ້ຫ້າມນັກສຶກສາ, ພະນັກງານຮຽນພັກແລ້ງ ຫຼື ອື່ນໆ.

1. ຫ້າມນັກສຶກສາແຕ່ງກິນຢູ່ຕາມຫໍພັກ, ຫ້ອງນອນເດັດຂາດ, ຕ້ອງແຕ່ງກິນຢູ່ຕາມບ່ອນທີ່ກໍານົດໃຫ້.
2. ຫ້າມໃຊ້ສຽງດັງລົບກວນຜູ້ອື່ນໃສນເວລາຍາມລັບນອນ, ທຸກຄົນຕ້ອງມິດງຽບ.
3. ຫ້າມນັກສຶກສານໍາເອົາເຄື່ອງຂອງວັດຖຸທີ່ມີມູນຄ່າສູງ ເຂົ້າມາໃນຫໍພັກ.
4. ຫ້າມນັກສຶກສາ ດື່ມສິ່ງຂອງມືນເມົາ, ສິ່ງເສບຕິດ ແລະ ຫຼິ້ນການພະນັນທຸກປະເພດຕາມຫໍພັກ, ຫ້ອງນອນເດດັຂາດ.
5. ຫ້າມເອົາອາວຸດທຸກຊະນິດເຂົ້າມາໃນຫໍພັກ ຫຼື ວິທະຍາໄລຄູເດັດຂາດ.
6. ຫ້າມລັກເອົາຊັບສິນເງິນຄໍາ, ວັດຖຸສິ່ງຂອງອື່ນໆຂອງຄົນອື່ນເດັດຂາດ.
7. 6. ຫ້າມຜິດຖຽງ, ກໍ່ການອາລະວາດ ແລະ ຕີກັນ.
8. 7. ຫ້າມນັກສຶກສາຊາຍ – ຍິງພົວພັນທາງເພດແບບບໍ່ຖຶກຕ້ອງ.
9. 8. ຫ້າມນັກສຶກສາຊາຍ – ຍິງເຂົ້າຫໍພັກເພດກົງກັນຂ້າມ ໂດຍບໍ່ໄດ້ຮັບອະນຸຍາດ.
10. 9. ຫ້າມຂີດຂຽນໃສ່ຝາຫໍພັກ-ຫ້ອງນອນ ແລະ ສະຖານທີ່ຕ່າງໆ.
11. 10. ຫ້າມທຳລາຍສິ່ງຂອງສ່ວນລວມເຊັ່ນ: ຫ້ອງຮຽນ, ຫ້ອງນອນ, ໂຕະ,ຕັ່ງ, ຕູ້ ແລະ ອື່ນໆ.
12. 11. ຫ້າມສ້າງຄວາມເປື້ອນເປິໃສ່ຫ້ອງນອນ, ຫໍພັກ, ສະຖານທີ່ສາທາລະນະຕ່າງໆຂອງວິທະຍາໄລຄູ.
13. 12. ຫ້າມຊັກຊວນ ຫຼື ນຳເອົາຄົນນອກເຂົ້າມານອນໃນຫໍພັກ.
14. 13. ຫ້າມທ່ຽວຫລິ້ນໃນເວລາກາງຄືນເກີນການກໍານົດຂອງກົດລະບຽບຂອງຫໍພັກ.
15. 14. ຫ້າມນໍາໃຊ້ເຄື່ອງໄຟຟ້າ ( ໝໍ້ຫຸງຕົ້ມ ຫຼື ແຕ່ງອາຫານຢູ່ໃນຫໍພັກ, ຫ້ອງນອນຢ່າງເດັດຂາດ.
16. 15. ຫ້າມດັງໄຟຕາມລະບຽງຫໍພັກເພື່ອແຕ່ງກິນ ຫຼື ອື່ນໆຢ່າງເດັດຂາດ.
17. 16. ຫ້າມລ້ຽງສັດທຸກປະເພດໃນຂອບເຂດບໍລິເວນຫໍພັກ ແລະ ບໍລິເວນເດີ່ນໂຮງຮຽນ.
18. 17. ຫ້າມຖິ້ມສິ່ງຂອງເສດເຫຼືອຕາມລໍາພັງໃຈຕົນເອງ.
19. 18. ນັກສຶກສາທີ່ເຮັດຜິດຕາມຂໍ້ຫ້າມໃດໜຶ່ງແມ່ນຈະຖືກດໍາເນີນຕາມລະບຽບໃນຂັ້ນເດັດຂາດຂອງສະພາໂຮງຮຽນເຊັ່ນ: ການລົງຄໍາເຫັນໃນສະພາຄູ, ການຕັດຄະແນນ ແລະ ປັບໃໝ່ເປັນເງິນໃນທຸກກໍລະນີຂອງຂໍ້ຫ້າມຕ່າງໆທີ່ໄດ້ກໍານົດໄວ້.

ມາດຕາ 3:  ການຕັດຄະແນນທີ່ຜິດຕໍ່ລະລະບຽບ ຫູື້ ຂໍ້ຫ້າມຕ່າງໆ

ຄະແນນກິລິຍາມາລະຍາດ ແລະ ການປະພຶດຕ່າງໆຂອງນັກສຶກສາແຕ່ລະຄົນລວມ 250 ຄະແນນ/ສົກຮຽນ, ຖ້າມີນັກສຶກສາຜູ້ໃດກະທຳຜິດຈະຖືກພົ້ນ ຈາກການເປັນນັກສຶກສາຂອງວິທະຍາໄລຄູ ແລະ ຈະຖືກຕັດຄະແນນຕາມຕາຕາລາງລຸ່ມນີ້:

ມາດຕາ 4:  ການປະຕິບັດລະບຽບວະໄນຕໍ່ນັກສຶກສາຜິດລະບຽບ

ນັກສຶກສາຜູ້ໃດກະທຳຜິດ ຈາກກໍລະນີຄະແນນຫຼຸດ 250 ລົງມາແມ່ນຈະຖືກຜ່ານລາຍງານຊື່ຢູ່ຕໍ່ໜ້າຫຼັກທຸງ, ສຶກສາອົບຮົມ, ຂຽນໃບສໍາຫຼວດຈາກຂັ້ນຫ້ອງການທີ່ກ່ຽວຂ້ອງ ພ້ອມທັງປັບໄໝເປັນເງິນຄະແນນລະ 1000 ກີບ  ແລະ ຄະແນນດັ່ງກ່າວກໍຈະຖືກບວກຂຶ້ນຖ້າຫາກຜິດຄັ້ງຕໍ່ໄປ.